Техник технологийн шинэчлэлт хийгдэж байна

Манай “Ораметалл” ХХК нь “Оюутолгойн” тендерт оролцон Rio-Tinto-гийн менежментийн багийн олон улсад мөрддөг өндөр шаардлага, шалгуурт тэнцэн 2016 оны 8-р сараас эхлэн туршилтын бөөрөнцөг үйлдвэрлэн нийлүүлэх гэрээ байгуулан, АҮЯ-ны ЖДҮХС-аас зээл авч бөөрөнцгийн үйлдвэртэй техник, тоног төхөөрөмжийн болон технологийн шинэчлэлт хийх ажлаа төлөвлөгөөний дагуу эрчимтэй эхлүүлээд явж байна. 

Үйлдвэрийн өргөтгөл шинэчлэлтийн хүрээнд шинээр:
•    Илчийн боловсруулах цехийн барилгыг шинээр барьж, дэд бүтэцтэй холбон 3 камерт хатаалгын цахилгаан зуух болон дулааны боловсруулалтын 3 тонны зуух 3 ширхгийг суурилуулж байна.
•    Хайлалтын явцад шингэн металлаас дээж авч шинжилгээ хийх Японы Shamatzu фирмийн фотоспектрометр лабораторийн тоног төхөөрөмж суурилуулж байна.
•    Ашигласан хэвний хольцийг нөхөн сэргээж(регенраци) дахин ашиглах төхөөрөмж
•    Цутгамал цэвэрлэх тээрэм, Хэвний хольц бэлтгэгч машин болон цутгамал цэвэрлэх тээрмүүдийг шинээр суурилууллаа. Үйлдвэрийн өргөтгөл шинэчлэлтийн үр дүнд ОТ-н жил бүр импортоор худалдан авдаг өндөр хромт цутгамал бөөрөнцгийг Монголдоо үйлдвэрлэн нийлүүлэх боломж бүрдэх юм.